Өнеге – отбасынан
«Жарқын болашақ»
2018 жылдың 9 ақпанында Зырян ауданы бойынша «Жарқын болашақ» аудандық олимпиадасы өткізілді. Біздің мектептен жеңімпаздарға үміткер ретінде екі оқушы осы олимпиадаға қатысты. Олар 8 сынып оқушысы Леушкина Алена мен 10 сынып оқушысы Бажанова Алена.
Бұл олимпиаданың мақсаты мемлекеттік тілдің қолданылу аясын кеңейту; қазақ халқының мәдени, әдеби және рухани қазыналарын кеңінен насихаттау; оқушылардың шығармашылық, ізденушілік қабілеттерін, мәдени дүниетанымын дамыту. Оқушылардың қазақ халқының тіліне, әдебиетіне, салт-дәстүрлеріне, тарихына және мәдениетіне деген қызығушылығын арттыру және оларды үйреніп білуге ынталандыру;
«Жарқын болашақ» олимпиадасына оқыту тіліне қарамастан, мемлекеттік және мемлекеттік емес жалпы білім беретін мектептердің, лицейлердің, гимназиялардың 7–11-сынып оқушылары қатыса алады.
«Жарқын болашақ» олимпиадасы 5 конкурсты қамтиды: қазақ тіл білімі мен әдебиеті, ғылыми жоба, жазбаша шығармашылық жұмыс, мәнерлеп оқу, ән айту.
Біздің мектеп атынан қатысқан үміткерлер өз білімдерін қазақ тіл білімі мен әдебиеті саласы бойынша «Тілші-әдебиетшілер» конкурсында бақ сынасты. Өкінішке орай жүлделі орындарға жетуге аздаған ұпай сандары жетпей қалды. Бірақ, бұл біздің үміткерлердің сағын сындырмады. «Ең бастысы әрине орын алу емес, қатысу» деген ұранмен келешекте мықты дайындықпен баратын болып шешті. Оларға тек қана сәттілік тілейміз!
Қазақ тілі және әдебиеті пәні мұғалімі: Жиенбекова Г.С.